O МОЄ ПРАВОСЛАВИЄ
Отколи ня дідко привил
ку иконостасу
с повным кошыком винограду и олив,
жыє во ми моє Православиє.
В души ми спиват
як хор икон,
як ми Христос Вседержитель
в отчаянії
подават руку.
Єс як святожара
святых Кирилла и Мефодія
в церковнославянскым языку
єс ку ми милосердный, Боже.
О церквы мої и монастыри,
зничены на Косови
каждый вечур слухам
ваше стенаніє,
не фурт выграт
первенство Боже...
Дівчатко с кошыком
и сміючимся дідком
цілуют иконы
благословенны дары світят золотом.
Святы знают добрі
что лем истинный Символ віры
по цілый час собі в духу повидам,
він є як шепот молитвы
приходящій из Горы Афон.
О моє Православиє
на выході и западі,
вшытко про Тебе зроблю
дідко неє сам,
є тепер с Тобом в Тобі.
Tłumaczył: protojerej ThDr. Peter Soroka